Ingkari ni Pres. Ferdinand Marcos Jr. nga idakdakkelda iti pondo para kadagiti local government units (LGUs) tapno mayatiddog ken mapasayaat dagiti programada.
Dayta ti pinasingkedan ti presidente iti panagbisitana idiay Batangas City kalpasan nga indauluanna iti panagiwaras ti bagas iti salinong ti Local Government Support Fund (LGSF).
Immatangan pay ti presidente iti agtultuloy nga orientation ti Presidential Scholars iti salinong ti Socio-Civic Projects Fund (SCPF) ken indauluanna ti turnover iti SCPF financial assistance iti Association of Barangay Captains (ABC) Presidents.
Iti panagsarita ti presidente, nagpanawagan isuna kadagiti lokal nga opisyal nga ipatungpal a nasayaat dagiti programa tapno makaala ti nayon a pondo para inton sumaruno a tawen.
