--Ads--
Binilin ni Presidente Ferdinand Marcos Jr. dagiti local government unit (LGU) a kumpletwen sakbay a malpas ti 2026 ti panagsaganada iti manamnama a nakaro nga epekto ti El Niño inton 2027.
Karaman kadagiti posible nga epektona ti kinakurang iti suplay ti danum, nakaro a pudot, pannakadadael dagiti mula ken parikut iti suplay ti koriente.
Segun ken ni Executive Secretary Ralph Recto, karaman kadagiti mabambantayan a lugar ti Pampanga ken Cavite gapu iti posible a kinakurang iti danum.
Kiniddawna pay kadagiti LGU nga ammuen ti pagkasapulan kadagiti generator, solar power system ken pagurnongan iti danum tapno masigurado ti kinasagana iti manamnama nga El Niño.
-- ADVERTISEMENT --
