Pinalawa ni Presidente Ferdinand Marcos Jr. ti implementasion ti Civil Registration and Vital Statistics (CVRS) Decade iti pagilian agingga 2030.
Daytoy ket tapno mapasayaat ti access ti publiko kadagiti nadumaduma a serbisio ti gobierno.
Nakaipalaon daytoy iti Proclamation no. 1339, gagem na a marisut ti gap ti panakairekord iti panagkasangay ken pannakatay babaen iti nasaysayaat a koordinasion dagiti ahensia ti gobierno ken stakeholders.
Iti salinong ti proklamasyon, imbilin ti Philippine Statistics Authority (PSA) nga idauloan ti responsable a koordinasion, ken monitoring iti implementasion dagiti programa ken inisyatiba iti salinong ti extended CVRS Decade.
Naallukoy dagiti LGUs, non-government organizations ken pribado a sektor nga aktibo a makipaset iti pannakaipatungpal ti programa ken dagiti inisyatiba iti salinong ti napalawa nga CVRS Decade.
