Inallukoy ni Senate President Sherwin Gatchalian ti Department of Education (DepEd) a padarasen ti panangipan kadagiti baro a posisyon para kadagiti agad-adal nga adda rangkapna tapno maiyatiddog ti access-da iti kasapulan a suportar ken serbisio iti pagadalan.
Segun ken ni Gatchalian, inaprubaranen ti Department of Budget and Management (DBM) ti 133 a baro a posisyon nga addaan plantilya, pakairamanan dagiti posision para iti Senior Education Program Specialists, Education program Specialist IIs, Physical Therapist IIs ken Occupational Therapist IIs.
Impaganetget ti Senate President a napateg a masupusupan a dagus dagiti nasao a posisyon ta paset dayta iti pannakaipatungpal ti Republic Act No. 11650 wenno Instituting a Policy of Inclusion and Services for Learners with Disabilities in Support of Inclusive Education Act a gagem a masigurado nga adda access ti learners with disabilities iti edukasyon ken dagiti adda pakainaigan ti serbisio.
Ibilin pay ti linteg ti DepEd a mangbukel ti multi-year roadmap para iti pannakaipatungpalna pakairamanan ti pannakaidatag ti Inclusive Learning Resource Centers (ILRCSs) ken panagpartuat dagiti kasapulan a plantilla position.
