--Ads--
Simmangpet iti Ninoy Aquino International Airport (NAIA) ti 191 nga Overseas Filipino Workers (OFWs) manipod Kuwait kas pinasingkedan ti Overseas Workers Welfare Administration (OWWA).
Segun ti OWWA, naglugan iti Gulf Air Flight GF154 dagiti OFW ken pinasangbayan ida ti ahensya kadua ti Department of Migrant Workers (DMW) ken Department of Social Welfare and Development.
Sinigurado dagiti otoridad a natalged a nakasangpet dagiti repatriated OFWs babaen ti panangted ti pinansyal a tulong, taraon, transportasyon ken temporaryo a pagnaedan.
Siginurado ti OWWA nga agtultuloy iti gobierno iti panangtulongda iti tunggal addang para ti panagsubli dagiti nasao nga OFW, manipod panagsangpetda iti pagilian agingga reintegration iti komunidadda.
-- ADVERTISEMENT --
