Nagkiddaw ti pammakawan ti maysa a Sangguniang Kabataan (SK) chairperson iti Sta. Cruz, Laguna kalpasan ti viral video a nagwaras a pakakitaan nga iniggamanna nga awan iti suotna a gloves dagiti taraon a nakadisplay iti uneg ti maysa a convenience store.
Nabigbig ti opisyal a ni Mark Adrian Napiza nga SK chairperson iti Barangay Bubukal.
Inaminna a saan a husto ken saan a rumbeng ti inaramidna kangrunaan ket maysa isuna nga opisyal dagiti agtutubo.
Segun kenkuana, binayadanna ti produkto a naiggamanna iti dayta nga aldaw ngem bigbigenna a naun-uneg iti isyu ngem iti simple a panagbayad.
Nakisarita payen ni Napiza iti store ket nagkiddaw iti pammakawan iti panag-videoda nga awan iti pammalubos ken iti aniaman a taktak nga impaayna.
Innayonna a nakaawat isunan ti surat manipod iti SK Federation president ken naidanonen iti nasao a banag iti opisina ti Department of the Interior and Local Government (DILG) iti ilida.
