Patien ti Malakanyang a maapektaran ti ekonomia iti Pilipinas gapu iti sitwasyon iti Senado kalpasan a saan a dimar-ay ti majority senators iti session idiay Senado.
Segun ken ni Palace Press Officer Undersecretary Claire Castro, apektado pay dagiti umili iti agdama a parikot ta adu dagiti priority bills iti maitantan.
Iti agdama ket adda dua nga aldaw laengen iti Senado sakbay iti sine die adjournment-da inton June 6 ken inton July laengen nga aglukat kagiddan ti State of the Nation Address (SONA) ni Pres. Ferdinand Marcos Jr.
Kabayatanna, nagpasagid met ni Castro iti agdama a liderato iti Senado kalpasan a nagsinnungbat da Senate Pres. Alan Peter Cayetano ken Interior Secretary Jonvic Remulla idi nakemmeg ni Sen. Jinggoy Estrada.
Immunan a nagpanawagan ni Cayetano iti minority bloc a makikaysa iti panangiyetnag iti waya-waya ken integridad iti Senado gapu iti mapapati a panangparigat iti institusyon.
