Kinumpirma ni Presidential Communications Office Undersecretary ken Palace Press Officer Atty. Claire Castro ti panangdutok ni Presidente Ferdinand Marcos Jr. ni dati nga Iloilo City Mayor Jed Patrick Mabilog kas undersecretary ti Department of the Interior and Local Government (DILG).
Pormal a nagsapata iti baro a responsibilidad ni Mabilog iti sangoanan ni DILG Secretary Jonvic Remulla.
Maipalagip nga idi tawen 2017 idi ikkaten ti Ombudsman iti puwesto ni Mabilog gapu iti natakuatan a “serious dishonesty” nga adda pakainaiganna iti ilegal a panangala ti kinabaknang.
Karaman pay ti opisial iti listaan dagiti saan a maipagarup a “narco politician” ni dati a Presidente Rodrigo Duterte.
Nagsubli iti Pilipinas ni Mabilog idi 2024 kalpasan ti mano tawen a panagtalinaed na iti sabali a pagilian gapu iti pangta ti biag na ken ti pamiliana.
