Im-imbestigaran ti Department of the Interior and Local Government (DILG) ti report mainaig iti posible a data breach iti Local Government Unit Support System-Barangay Information Management System (LGUSS-BIMS) a naglaon iti personal nga impormasion dagiti umili kadagiti barangay.
Segun iti DILG, naki-umanda iti National Privacy Commission (NPC) ken nangaramid iti umuna nga addang tapno masalakniban ti personal data ken mapapigsa ti seguridad ti sistema.
Nupay kasta, awan pay ti pammatalged no nakompromiso wenno nagwaras ti aniaman nga impormasion bayat nga agtultuloy ti imbestigasion a mangikeddeng no kasano kasaknap ti posible a panaglabsing. Impasigurado ti ahensia nga aramidenda ti maitutop nga addang kalpasan ti verification a maitunos kadagiti agdama a linteg.
