Nakairekord ti Unified 911 emergency hotline iti 96,447 nga awag manipud Enero 1 agingga Oktubre 30, 2026, nga addaan iti 96.64 a porsiento nga efficiency rate, segun iti Department of the Interior and Local Government (DILG).
Karaman kadagiti naawat nga awag dagiti agkasapulan iti tulong ti polis, firefighting, medical services, search and rescue operations, ken kaso ti kinaranggas kadagiti babbai ken ubbing.
Segun iti DILG , naipaay ti emerhensia a tulong iti uneg ti tallo agingga iti lima a minuto, idinto a dadduma nga insidente ti nasungbatan iti maysa agingga iti dua laeng a minuto.
Nairekord met ti hotline ti napartak a panagsungbat kadagiti insidente idiay Goa, Camarines Sur ken Tanjay City, Negros Oriental, a sadiay simmangpet dagiti medical responders iti uneg ti maysa laeng a minuto kalpasan a naawatda dagiti tawag.
