Kinumpirmaran ti Department of Justice (DOJ) a naawatdan ti referral manipod Presidential Communications Office (PCO) maipanggep kadagiti social media post a nagiwaras iti madi nga impormasyon maipanggep ti petisyon ni Sen. Bato dela Rosa iti Korte Suprema.
Dayta ket kalpasan a pinasigkedan dagiti uppat a vloggers a mapapati a nangiruar ti temporary restraining order iti Korte Suprema tapno saan nga ipatungpal ti warrant of arrest kontra iti Senador.
Segun ken ni DOJ Spokesperson Atty. Polo Martinez, naawatdan idi kalman ti referral manipod iti PCO.
I-refer dayta iti Justice Department ti National Bureau of Investigation (NBI) para iti imbestigasyon ken mayannatup a tignay.
Karaman dayta iti posible a case build-up para iti panagipila kadagiti kaso a kriminal.
Immunan a nagballaag ni PCO Secretary Dave Gomez a maysa a seryoso nga offense iti panagiwaras ti fake news kas iti saan a pudno a Supreme Court ruling iti social media a maar-aramid para iti views, engagement ken pagsapulan.
