Awan iti inruar nga aniaman a public arrest warrant ti International Criminal Court (ICC) maipanggep iti sitwasyon iti Pilipinas.
Dayta iti pinasingkedan ti ICC kadagiti pakaammo a mapapati a nangiruar iti ICC ti warrant of arrest kontra ken ni Senator Bato Dela Rosa.
Immunan a pinasingkedan ni Interior Secretary Jonvic Remulla nga awan pay ti naawat nga opisyal a kopya ti Department of the Interior and Local Government (DILG) maipanggep iti naireport a warrant kontra iti senador.
Ni Dela Rosa a dati a hepe iti Philippine National Police (PNP) ket karaman kadagiti nabigbig a co-perpetrator iti kaso a crimes against humanity a sangsangwen ni dati a Pres. Rodrigo Duterte maipanggep ti war on drugs.
Manipod iti Nobyembre, saanen a dimmar-ay ni dela Rosa kadagiti session iti Senado kalpasan a pinasingkedan ni Ombudsman Jesus Crispin Remulla a nakitanan ti mapapati a warrant iti ICC kontra iti senador.
