Agtultuloy iti panangted ti benepisyo ti Department of Labor and Employment (DOLE) kadagiti public utility drivers babaen iti TUPAD Tuloy Pasada Program a gagem a makissayan ti epekto ti panagpangina iti presyo ti produkto petrolyo.
Segun ti DOLE, umaboten iti 9,981 a benepisyaryo iti intero a pagilian iti naikkan ti emergency employment assistance iti salinong ti programa agingga May 28, nga adda pakabuklan nga ayuda a P45.2 million.
Ti nasao a bilang ket 3,343 a benepisyaryo ti nakalpasen iti trabaho idinto a 6,638 iti agdama nga agtrabtrabaho manipod iti target a nasurok 50,000 a pampubliko a utility jeepney drivers ken transport workers iti pagilian.
Maipatpatungpal ti programa idiay National Capital Region ken sumagmamano a rehiyon pakairamanan iti Central Luzon, CALABARZON, Bicol, Western Visayas, Northern Mindanao, Davao Region, Soccsksargen ken Caraga.
