Ituloyen ti Philippine National Police ti fact-finding review da iti extra-judicial killings ken dadduma pay a mainaig nga insidente.
Daytoy ket kalpasan nga imbilin ni Department of the Interior and Local Government (DILG) Secretary Jonvic Remulla ti PNP iti panangidaulo ni PNP Chief General Jose Melencio Nartatez Jr. nga ituloy ti imbestigasion kadagiti reklamo mainaig ti extra-judicial killings pakairamanan idi nagserbi kas Davao City Police Director ni Senador Ronald “Bato” Dela Rosa.
Pinasingkedan ni Nartatez nga itultuloy ti PNP ti imbestigasion basar iti ebidensia a naka-angkla iti existing case materials ken reports nga impasa ti agduduma a police units ken oversight bodies.
Kinumpirma pay ti heneral a nabilin ti Criminal Investigation and Detection Group (CIDG) nga idauloan ti imbestigasion.
Impasigurado pay dagiti opisial a ti proseso ket maisayangkat a patas ken awan ti bias.
