Simmukon kadagiti otoridad ti suspek ti pammaltog idiay Barangay San Agustin, Candon City, Ilocos Sur idi June 1, 2026.
Ti biktima ket agtawen iti tallopulo ket pito, agnaed iti nasao a lugar idinto a ti suspek ket ti maysa a kalugaranna.
Iti pannaki-uman ti Bombo Radyo Vigan ken ni PLt. Jovelyn Antalan iti Candon City Police Station, naki-inninom dagiti dua kaduada iti kalugaranda ket idi nalpas, mapapati nga adda iti saanda a nagkinnawatan gapu iti resibo iti kuryente.
Segun ken ni Antalan, gapu dayta ket kellaat lattan a pinaltogan ti suspek ti biktima babaen iti saan a nabigbig a kalibre iti paltog a gappuanan iti pannakatama ti likod a paset ti biktima.
Naipan iti ospital ti biktima para iti pannakatamingna idinto a ti suspek ket naglibas kalpasan iti pammaltog ngem idi parbangon iti June 2 ket mapapati a nagawid iti pagtaenganda sa nagturong iti pagtaengan iti Barangay Captain iti lugarda nga isu metten iti nangkuyog iti Candon PNP para iti isusukona.
Kinuna ti suspek a caliber 45 armscor iti mapapati nga inaramatna iti pammaltog ngem saannan nga ammo pay iti nangipananna ta aminado a nataranta kalpasan iti insidente.
