Nalipatan ni Senador Imee Marcos ti kabsatna a ni President Ferdinand Marcos Jr. bayat ti proclamation speech-na.
Nupay kasta ket nagyaman ni Senador Marcos iti inana a ni dati a first Lady Imelda Marcos kasta payen kada dati a President Rodrigo Duterte ken Vice President Sara Duterte bayat ti kalalagip nga okasyon iti Manila Hotel Tent.
Immunan nga adda saan a nagkinnaawatan dagiti agkabsat a Marcos gapu iti pannakakemmeg ken pannaka-turnover ni dati a President Duterte iti International Court.
Bayat idi ti panagkampania ni Senador Marcos ket immunan a nagbalin a paset iti Alyansa Para sa Bagong Pilipinas ti presidente ngem nagikkat manipod coalition ken nagbalin nga adopted candidate iti pro-Duterte “DuterTen”.
Ni Senador Marcos ket personal a pagayam ken big supporter ni Vice President Sara Duterte a nalataken iti publiko numan pay saan pay a nagpresidente ti kabsatna.
