Mapapati nga adda akem ti misis ni dati a Pres. Rodrigo Duterte a ni Honeylet Avaceña ken ti anakda a ni Kitty Duterte iti panangpili ti baro a lead defense counsel para iti kaso iti International Criminal Court (ICC).
Segun ken ni British-Israeli lawyer Nicholas Kaufman, saanna pay a personal a naam-ammo ti baro a nadutokan lead counsel ni Duterte ngem ti rekomendasion ket nagtaud kadagiti Avanceña ken Kitty.
Kinuna ni Kaufman a dagiti agina iti mapapati nga akin-iggem dagiti patangan nga adda pakainaigan iti kaso pakairamanan ti pinansyal ken panagpili iti abogado.
Innayon ni Kaufman a ti baro nga abogado ket saan a Pilipino.
Ni Kaufman met ti dati a prosecutor iti ICC ken International Criminal Tribunal for the former Yugoslavia ken nagbalin a lead defense lawyer ni Duterte sumagmamano nga aldaw kalpasan a nakemmeg ken naipan iti The Hague, Netherlands.
