Pinalubosan ti International Criminal Court (ICC) Trial Chamber III ti kiddaw ni Lawyer Dov Jacobs nga ag-withdraw kas associate counsel ni dati a Pres. Rodirigo Duterte iti kaso a crimes against humanity.
Iti ruling idi May 8, kinuna ti Trial Chamber III nga awan iti mariribok iti kaso ta agtalinaed nga adda lead defense counsel ken dadduma pay a miembro iti defense team ni Duterte.
Naipakaammo a ti panag-withdaw ni Jacobs ket maipanggep ti plano ni Duterte a simpaen manen ti legal team sakbay iti panagrugi ti main trial.
Kasaruno dayta ket imbingay ti intension ni Nicholas Kaufman nga ag-withdraw nga ita ket mayur-uray iti panag-aprubar ti Trail Chamber III.
Impaganetget ti ICC nga uray umatras ni Jacobs, obligado a sumurot iti Code of Professional Conduct para kadagiti abogado ken dagiti pagannurotan ti panagbalin a confidential iti salinong ti Rome Statute ken Rules of Procedure and Evidence.
