--Ads--
Impasidong ti Senado iti protective custody ni Senador Ronald Bato Dela Rosa bayat a sumangsango iti posible a pannakakemmeg mainaig iti akem na iti anti-drug campaign ti napalabas nga administrasion.
Ti mosion ket impila ni Senador Rodante Marcoleta ket kiniddaw na nga agtalinaed ni Dela Rosa iti kustodiya ti Senado agingga malpas ti amin a remedyo para iti depensa-na.
Awan ti senador a saan nga immanamong iti mosion isu a dagus met nga inaprubaran ni Senate President Alan Peter Cayetano.
Napasamak ti addang iti tengnga ti damag ti posible a pannakakemmeg ti senador mainaig iti kaso nga adda pakainaiganna iti maipagarup a crimes against humanity iti salinong ti war on drugs ti administrasion ni former President Rodrigo Duterte.
-- ADVERTISEMENT --
