Awan pay ti naawat a mosion manipud iti depensa mainaig iti sub judice rule – Tolosa

Imbingay ni Prosecution Spokesperson Atty. Benjamin Tolosa Jr. nga agingga ita ket awan pay ti naawatda a mosion wenno opisial a komunikasion manipud iti depensa mainaig iti mapapati a panaglabsing iti sub judice rule.

Segun kenni Tolosa, ur-urayenda pay laeng a kitaen no mangipila ti depensa iti pormal a mosion wenno simple laeng ti ipatulodda a link mainaig iti nasao a banag.

Impasigurado ni Tolosa a nakasaganada a mangsungbat iti aniaman nga alegasion kontra kadakuada mainaig iti mapapati a panaglabsing iti sub judice rule.

Innayonna nga isagsagana pay ti prosecution ti bukodda a mosion mainaig iti posible a panaglabsing ni Bise Presidente Sara Duterte ken ti spokesperson-na.