Pagan-annaden ni Senador Pia Cayetano dagiti pagadalan iti panagakar iti online classes para iti intero nga academic year.
Dayta ket kalpasan nga impalubos ti Commission on Higher Education (CHED) nga ag-shift a 100% online classes kadagiti unibersidad ken kolehio iti pagilian gapu ti epekto iti panag-ngina iti presyo ti produkto petrolyo.
Segun ken ni Cayetano, kasapulan a sangwen dayta a karit nga adda iti panagannad.
Impalagip ti senadora iti kaudian nga assessment ket naipakita iti adayo a gap iti panagsursuro dagiti agad-adal ken nagtalinaed a dakkel a parikot iti education system kalpasan iti pandemia.
Impaganetgetna a rumbeng a masigurado pay a makasursuro dagiti estudyante ken saan a rumbeng a baybay-an a ti napaut a panagdepende iti full online modalities ta posible a mangpakaru iti learning gaps dagiti agad-adal.
Allukoyen ni Cayetano ti CHED ken amin a higher educational institutions a mangidatag iti kongkreto a benchmark a makatulong iti pannakasursuro dagiti agad-adal para iti nasao a panawen ti krisis.
