Natalged a nakaawid iti pagilian dagiti tallopulo ket uppat nga overseas Filipino workers (OFWs) ken maysa a dependent manipud iti Qatar.
Daytoy ket paset iti repatriation efforts ti gobierno para kadagiti Pilipino nga apektado ti agtultuloy a tension iti sumagmamano a paset ti Middle East.
Simmangpet ti grupo iti Ninoy Aquino International Airport (NAIA) Terminal 3 idiay Pasay City a nakalugan ti Qatar Airways Flight QR934, segun iti Department of Migrant Workers (DMW).
Dagus a naikkan ti assistance ken naipasidong iti assessment dagiti nagawid nga OFWs tapno masigurado a nasayaat ti panagsubli da iti pagilian.
Sinabat isuda dagiti kameng ti DMW, Overseas Workers Welfare Administration (OWWA), dagiti medical personnel ti Manila International Airport Authority (MIAA), ken ti New NAIA Infrastructure Corporation.
