--Ads--

Kinumpirmaran ti Department of Migrant Workers (DMW) a natalged dagiti 19 a Filipino crew members ti LPG tanker MT GAS HUSKY kalpasan a nasagid da iti drone attack iti Black Sea idi Nobiembre 17.

Segun kenni DMW Secretary Hans Leo Cacdac, naibakuit amin dagiti tripulante sakbay a limned ti barko. Dua kadagitoy ti nagsagaba iti minor injuries.

Iti agdama, adda dagiti marino iti maysa nga hotel idiay Bulgaria bayat nga asikaswen ti DMW ti medical assistance, compensation ken repatriation-da iti Pilipinas.

Itandudo pay ti DMW a sukimaten manen kadagiti high-risk ken war-like zones tapno pakairaman ti abagatan a laud a paset ti Black Sea kalpasan ti agsasaruno a panangraut kadagiti barko iti lugar.

-- ADVERTISEMENT --