--Ads--

Mapasungadan dagiti consumer iti agsasaruno a pannaka kissay ti presio dagiti produkto ti LPG ken petroleum inton sumaruno a lawas.

Adda ti P2 rollback kada kilo ti LPG ita a Domingo, katupag ti P22 reduction kada 11-kilogram a tangke.

Manamnama a bumaba ti presio ti diesel iti P2.67 kada litro, gasoline iti P2.47 ken ti kerosene iti P1.88 kada litro inton rugi ti lawas.

Segun kadagiti umuna a pattapatta, daytoy ket gapuanan ti nakapuy a panagkasapulan ken natalged a suplay ti petroleo iti sangalubongan a merkado. Mabalin nga agbaliw ti presio maibatay iti opisial nga anunsio ti Department of Energy (DOE).

-- ADVERTISEMENT --