Karaman iti napateg a nagpapatangan dagiti lider ti ASEAN iti kalkalpas a 48th ASEAN Summit ti panangpapigsa ti emergency rice reserve tapno masigurado ti umdas a suplay iti bagas iti panawen ti krisis.
Paset dayta iti patangan ti food security, maysa kadagiti tallo a kangrunaan a maipangruna nga inlatag ni Pres. Ferdinand Marcos Jr. iti summit.
Segun ti presidente, kagiddan ti panagtratar iti seguridad iti enerhiya ken fuel reserves iti ASEAN, naikkan importansia pay iti panangbukel ti reserba iti bagas a mabalin a pagbibingayan dagiti pagilian iti rehiyon no adda kurang a suplay wenno kalamidad.
Gagem a mapagtalinaed ti umdas a taraon, natibker a presyo iti bagas ken seguridad iti taraon iti intero a rehiyon.
Maipalagip iti bilateral meeting da Pres. Marcos ken Vietnamese Prime Minister Le Minh Hung, nagtulagan ti pannakaidatag iti napaut a mekanismo iti rice trade iti nagbaetan iti Pilipinas ken Vietnam.
