
Umabot iti 224 a delegado manipud iti 11 a pagilian ken 16 nga observer parliaments ti timmabuno iti maika-47 a General Assembly iti ASEAN Inter-Parliamentary Assembly (AIPA) a naangay idiay Manila.
Segun ken ni House Senior Deputy Speaker Ferdinand Hernandez, indauluan da House Speaker ken AIPA President Faustino “Bojie” Dy III ti pannakalukat ti taripnong idi Miyerkules, Nobiembre 18.
Pormal met nga Inabrasa ti AIPA ti Timor-Leste kas baro a kameng kalpasan ti iseserrek na iti ASEAN idi Oktubre 2025, bayat a timmabuno ti Myanmar kas sangaili.
Ti panggep ti General Assembly ket mangbukel ken agtutunos kadagiti resolusion maipapan kadagiti napateg nga isyu a sangsangoen ti rehion a maitandudo ken maipatungpal dagiti delegasion kadagiti bukod da a parliamento.










