Impakaammo ti Commission on Higher Education (CHED) a saanda pay laeng a palubosan nga agpangato ti matrikula kadagiti higher education institution (HEIs) iti pagilian kagiddan ti mapaspasaran a krisis.
Segun ken ni CHED Chairperson Shirley Agrupis, adu koma ti higher education institution iti agkiddaw a maipangato ti tuition gapu iti panagpangato ti gastos iti operasyon.
Kiniddaw ti CHED kadagiti pagadakan nga isanud pay laeng iti aniaman a plano a tuition increase ta saan nga ita iti husto a panawen gapu iti marikrikna nga economic challenges.
Segun ken ni Agrupis, naidanondan iti panawagan kadagiti institusyon ken maawatanda met dayta dagiti pagadalan.
Siguradoen ti CHED nga agtultuloy iti pannakikammayetda kadagiti higher education institution tapno matignayan dagiti patangan maipanggep ti matrikula ken masigurado a saan a maapektaran a nakaru dagiti estudyante.
