Binabalaw ni Senador Joel Villanueva ti panangkissay ti P9.8 bilyon a pondo ti libre nga edukasion iti kolehiyo a manglabsing ti linteg ken mangpadanag nga umado ti out-of-school youth gapu ti kinakurang ti pondo.
Madanagan ni senador Villanueva iti P9.75 bilyon a kissay iti pondo iti libre a tuition a mabalin a makaapekto iti panangipatungpal ti linteg iti reporma nga isuna ti awtor.
Ti kabuklan a budget ti CHED para iti tawen 2027 ket P34.45 bilyon, nababbaba ti P12.91 bilyon wenno 26.7% kumpara iti budget iti 2026.
Iti baet ti panagkissay ti pondo, ti alokasion para iti Universal Access to Quality Tertiary Education, ti pondo ti gobierno para iti libre a kolehiyo ket nabababa manipud iti P37.54 bilyon ket napan iti P27.79 bilyon.
Ti panagkissay ti pondo ket kagiddan ti umadani a panangipatungpal ti Republic Act No. 12325, linteg a mangpalawa iti Universal Access to Quality Tertiary Education Act.
