Impaganetget ni Senador Erwin Tulfo nga idurduron ti minority bloc ti nainget nga imbestigasion iti napasamak a panagpaputok ti paltog iti uneg ti Senado.
Kinuna ti senador a ti addang ket saan laeng a tapno makita no ania ti husto a rason ti napasamak ngem uray pay iti maipagarup a kinakurang ti transparency ken dagiti institusyon.
Maipagarup nga ibagbaga ti mayorya a saan nga stage wenno pabuya ti napasamak iti baet nga adda mangibagbaga a na-plano ti pasamak.
Innayon pay ni Tulfo a masapol a maited a dagus ti CCTV footage tapno matuloy nga insigida iti imbestigasion.
Kwinestyonaran pay ti senador no apay a maipagarup nga immabot iti duapulo ket pito a putok ti warning shot ken apay a dagiti ebidensia ket adda laeng iti paset ti Senado ken awan ti manipud iti bangir a grupo.
