Sinitar ken sinermonan ni Department of Public Works and Highways (DPWH) Secretary Vince Dizon iti sumagmamano a kameng ti ahensya ken ti maysa a pribado a kompania idiay Surigao del Norte.
Ti addang ket kalpasan a nakitana a saan pay a nalpas iti sumagmamano a proyekto iti lugar uray naideklarar a kompleton.
Karaman dayta dagiti rangtay iti Asinan ken Maasin idiay Pilar a narugyan idi 2021 ken naideklarar a nalpas idi 2022 ngem saan pay laeng a nakumpleto.
Narurod ni Dizon iti report a malmalpas pay laeng ti flood control project idiay Barangay Taburan, Del Carmen uray 35% pay laeng iti naaramid.
Insigidana nga imbilin ti napaspas a panagleppas dagiti proyekto bayat a maim-iumbestigaran ti rason iti pannakadelay.
Karaman iti nabilin a maimbestigaran ti contractor iti proyekto a mainanaig iti mapapati a maysa a lokal nga opisyal iti probinsia.
