--Ads--
Pinasingkedan ni Kabataan Partylist Representative Renee Co nga adda naan-anay a basaran iti impeachment case kontra ken ni Vice President Sara Duterte.
Daytoy ket gapu kadagiti maipagarup a dokumento ken public record a mabalin nga agserbi kas ebidensia.
Impaganetget ti agpampanday linteg nga uray adda agduduma a posision dagiti senador no masapul a maituloy wenno ti impeachment trial, napateg a masurot ti proseso ken panagdengngeg kadagiti alegasion.
Dinakamat ni Co ti sumagmamano nga isyu a nakaipalaon iti reklamo pakairamanan ti maipagarup a makapadudua a confidential ken intelligence funds, kasta payen ti panangpangta iti biag da Presidente Ferdinand Marcos Jr., First lady Lisa Marcos ken former House Speaker Martin Romualdez.
-- ADVERTISEMENT --
