Kayat a masigurado ni Pres. Ferdinand Marcos Jr. natalged dagiti residente ken kaasideg nga ili iti baet a nadepdepen iti uram iti Navotas landfill.
Binilin ti presidente dagiti masakupan nga ahensya nga itultuloy ti 24/7 monitoring iti Navotas landfill pakairamanan ti pannakaadal ti kalidad ti angin ken danum, ken thermal scanning tapno masigurado nga awan iti nabati a posible a pagtaudan iti apoy iti landfill.
Imbilin pay ni Marcos ti panang-monitor iti salun-at dagiti naapektaran a residente tapno masigurado nga awan iti peggad kadakuada.
Kagiddan dayta ket nagyaman ti presidente iti Japanese government iti suportar ken technical assistance-da a nakatulong iti panangdepdep iti apoy.
Karaman a nagyamanan ti presidente dagiti kangrunaan nga ahensia a nangtutok iti panangdepdep iti apoy kangrunaan iti Bureau of Fire Protection, Department of Public Works and Highways, Department of Transportation ken dadduma pay, kasta pay ti pribado a kompania a timmulong tapno malapdan iti ikakaru iti sitwasyon.
