--Ads--
Pinilaan ti Bureau of fire Protection iti kaso ti 16 nga indibidual gapu iti pannakauram ti MV June Aster idiay Coron, Palawan a nakatayan ti 77 a tattao ken walo a pasahero ti mapukpukaw.
Karaman kadagiti naidarum ket dagiti tripulante, opisial ken empleado ti shipping company, cargo handling corporation, kontraktor ti Philippine Ports Authority ken uppat a personnel ti Philippine Coast Guard.
Naipila iti Manila City Prosecutor’s Office idi Nobiembre 11 ti kaso a reckless imprudence a nagresulta iti multiple homicide, physical injuries ken pannakadadael ti sanikua.
Basar iti imbestigasion, nangrugi ti uram iti likudan ti barko kalpasan ti chemical reaction iti chemical cargo idi Setyembre 9.
-- ADVERTISEMENT --
