Imbilin ti Office of the Ombudsman ti innem a bulan a preventive suspension without pay kontra kadagiti lima a project engineers ti DPWH Bulacan First District Engineering Office gapu iti mapapati a pannakairamanda iti P188.8-milion a ghost flood control projects idiay Baliuag, Bulacan.
Maipasangoda iti kaso a grave misconduct, serious dishonesty, at gross neglect of duty mainaig iti tallo a proyekto ti reinforced concrete slope revetments inton 2024.
Maibasar iti imbestigasion, maipagarup a palso ken manipulado dagiti dokumento ti inspection, acceptance, ken payment tapno agparang a lehitimo dagiti proyekto a saan nga actual a naipatungpal.
Segun iti Ombudsman, nasken ti suspension tapno malapdan ti posible a pannakariribuk dagiti saksi bayat nga agtultuloy ti imbestigasyon.
Saan a karaman iti pammilin dagiti dua a dati nga opisial ti DPWH gapu ta saandan nga agserserbi iti gobierno.
