--Ads--
Impaganetget ni Bicol Saro Partylist Representative Terry Ridon nga awan ti biang da no adda sumopsupurta a senador ken ni Vice President Sara Duterte ngem masapul latta nga agbalin a patas kas senator judges iti impeachment ti bise presidente.
Segun ken ni Ridon, ti napateg ket adda ebidensia a maipasango iti impeachment trial.
Mamati ti agpampanday linteg a no maibasar iti kinapudno ken nalawag nga ebidensia dagiti argumento, maallukoy dagiti senator judges iti agbalin a decision-da.
Maysa ni representative Ridon iti sangapulo ket maysa a miembro ti House Prosecution Panel nga umatendar iti panagdengngeg iti Senado inton Lunes, Mayo 18.
-- ADVERTISEMENT --
