Impaganetget ni Senador Erwin Tulfo nga awan ti linabsing ti probision ti Konstitusion wenno Rules of Court ti House prosecution panel iti panag-withdraw ti tallo kadagiti uppat nga impeachment articles kontra ken ni Vice President Sara Duterte.
Sungbat daytoy ni Tulfo iti panangbabalaw ti spokesperson ni VP Sara a ni Atty. Paolo Panelo iti maipagarup a panagulimek ti mayorya ti Senado iti addang ti prosekusion.
Maipalagip a pinasingkedan ni Panelo a nagresulta ti pannakasayang ti saan a bumamaba iti P1 bilyon a pondo ti publiko.
Segun ken ni Tulfo, paset ti strategy ti prosekusion ti panang-withdraw kadagiti tallo nga articles ken mabalin met nga agaramt ti bukod nga strategy ti defense iti oras ti presentasion da.
Innayon ti senador nga awan ti rason dagiti senador tapno piliten ti prosekusion nga ituloy dagiti naibabawi a kaso no awan ti panaglabsing kadagiti pagannurotan.
