Insanud ti Sandiganbayan Third Division ti panagirruar ti decision iti agsina a petision para iti piyansa ni dati a senador Ramon “Bong” Revilla Jr. ken innem a kadua na a co-accused iti kaso a malversation of public funds.
Dagiti kaso ket adda pakainaiganna iti maipagarup a maanomalya a P92.8 milyon flood control project idiay Pandi, Bulacan.
Segun ti korte, naiyatiddog ti tallopulo nga aldaw iti panagresolba ti petision manipud idi Mayo 7 gapu iti adu a rekord ken testimonia a masapul a kitaen a nalaing.
Segun ken ni Atty. Dennis Pulma, clerk of court ti Third Division, kasapulan ti korte ti panawen gapu iti lawa dagiti dokumento ken transcript ti testimonia dagiti saksi.
Karaman kadagiti co-accused ni Revilla ket dati nga opisial ken engineer manipud iti Department of Public Works and Highways, kasta pay dagiti sumagmamano nga accountant a maipagarup a karaman iti proyekto.
