Napardas a panangsimpa kadagiti nadadael a kalsada ken rangtay, imbilin ni Dizon

Imbilin ni Public Works Secretary Vince Dizon ti napardas a panagsimpa kadagiti kalsada ken rangtay a dinadael ti kalamidad.

Pinasingkedan ni Dizon a saan a nasken nga agbalin a lapped ti red-tape iti panagsimpa kadagiti nadadael nga imprastruktura.

Makibinnulig ti opisial iti National Disaster Risk Reduction and Management Council tapno mapadaras ti panagirruar ti Quick Response Fund (QRF).

Innayon na pay a masapul nga automatiko a mapondoan dagiti nadadael nga imprastruktura gapu ti bagyo, ginggined ken dadduma pay a kalamidad.