Impasigurado ti Malakanyang a nakasagana ti gobierno iti aniaman a saan a manamnama a pasamak a mabalin a makaapekto iti pagilian.
Daytoy ti pinasingkedan ni Palace Press Officer Atty. Claire Castro kasaruno dagiti panagsagana nga isaysayangkat ti sumagmamano a pagilian kas ti US, United Kingdom, Japan, at ken dadduma pay pagilian iti Europa.
Inallukoy ni Castro dagiti umili nga agurnong ti naan-anay a suplay a mabalin nga agpaot iti aghingga tallo nga aldaw.
Impaganetget ti opisial nga agisaysayangkat ti gobierno ti agduduma a panagsagana tapno masigurado ti kinatalged ken pagimbagan dagiti Pilipino no kas bilang maaddaan dagiti saan a manamnama a pasamak kas ti posible a military conflict, cyberattacks, sabotage, kalamidad, ken naapot a pannaka-awan ti suplay ti kuryente.
Innayon ti opisial a karaman kadagiti adding dagiti ahensia ti gobierno ti panagsagana iti posible nga epekto ti El Niño.
