Impasigurado ti National Grid Corporation of the Philippines (NGCP) a normal ti suplay ti kuryente iti Luzon, Visayas, ken Mindanao ita a weekend.
Daytoy ket iti baet dagiti serye ti Grid Alert nga inruar da ita a lawas a sumagmamano a gundaway a nagiruar da ti Yellow ken Red Alert gapu iti panagingpis ti suplay ti kuryente.
Inlawlawag ti NGCP a gapu iti nababa a demand iti weekend, maaddaan ti naan-anay a suplay tapno makapag-export ti kuryente manipud Luzon a mapan iti Visayas.
Adda met iti normal a condition ti power operations ti Visayas ken Mindanao.
Iti kastuy a wagas ket agtaltalinaed a natibker ti suplay ti kuryente ita a weekend kalaksidan laeng no maaddaan ti kellaat a panagngato ti demand ken saan a manamnama a parikut kadagiti planta ti kuryente.
