Nagpanawagan ni Senate President Sherwin Gatchalian iti dagus a reporma iti singir ti kuryente tapno mapasayaat ti ekonomiya iti pagilian iti tengnga ti nabuntog a panagdur-as.
Pinasingkedan ni Gatchalian a masapul nga ikkatan ti gatad singir iti suplay ti kuryente iti baet ti kumarkaro a pangta ti world crisis iti enerhiya.
Impaganetget ti agpampanday linteg a dagiti singir iti generation ken system loss ket dagiti pass-through cost iti bill iti kuryente nga agkasapulan ti transparency ken naan-anay a basaran.
Maipalagip a basar iti kaudian nga economic indicators, dimmur-as laeng ti 2.3% ti gross domestic product ti pagilian idi maikadua a quarter.
Immunan nga insingasing ni Gatchalian ti Senate Bill No. 2350 a gagem nga iparit kadagiti distribution utility ti panangipataw ti singir iti system loss dagiti consumer ken ikkaten ti value added tax iti panagilako ti kuryente.
Impila na pay ti Senate Resolution No. 581 tapno sukisoken ti kina-awan ti regular a panangkita wenno audit iti gatad ti gasolina iti tengnga ti ngumatngato a singir iti generation, a gagem na a papigsaen ti panangkita ti gobierno iti sektor ti power generation.
