Personal nga ininspeksion ni Department of Public Works and Highways Secretary Vince Dizon ang Kaliwet Bridge, maysa a detour bridge iti Barangay Nalasin, Sto. Domingo, Ilocos Sur a narpuog idi kallabes kalpasan a dinalanan ti maysa nga overloaded a trak.
Kadu ani Dizon a naginspeksion dagiti opisial ti DPWH Region 1 ken 1st District Engineering Office ti probinsia.
Segun ken ni Dizon, nasuratandan ti owner ti trak ket impasiguradona a madusa ti trucking company tapno mabayadan ti mapatta-patta a nakurang 2 milion a nadadael.
Kunana pay nga adda katukad a pannusa iti drayber no saan a makabayad ti kompania.
Malaksid dayta, imbilin ti opisial ti alisto a pannakaisimpa ti nasao a rangtay tapno masigurado ti natalged ken naurnos nga annayas ti transportasion, nangruna ita nga umadani ti panagtutudo.
Maipalagip a maysa a 20-tons a 10-wheeler truck ti dimmalan uray no adda naipaskil a 5-ton laeng ti load limit-na, isu a narpuog.
Gapu dayta, natinnag ti trak ken nadunor ti drayber ken pahinantena kasta payen ti rider a natinnag ti minanehona a motorsiklo.
