Imimbestigaran ti Philippine National Police (PNP) iti pannakaaramat ti police uniform kas costume iti Christmas party.
Segun ken ni PNP PIO Chief Police Brigadier General Jean Fajardo, karaman iti amamwenda ket nu kasano a naala iti police uniform ta adda pay patch-na a PNP Special Action Force.
Ti dakdakamaten ni Fajardo ket ti trending iti social media nga executive iti maysa nga automobile manufacturing company nga inaramatna ti costume ti PNP uniform.
Ti nasao nga executive ti automobile manufacturing company ket maysa a foreigner isu a posible a saanna nga ammo ti linteg, ngem saan a rason dayta tapno saan a makasoan ta adda ti linabsingna.
Sakup ti Article 179 iti Revised Penal Code a makasoan ti arresto mayor dagiti umili nga agaramat ti madi nga insignia ken uniporme ti maysa a law enforcer wenno uniformed personnel.
