Nairamanen iti curriculum ti Philippine Military Academy wenno PMA ti artificial intelligence wenno AI ken electronic warfare tapno isagana dagiti sumaruno nga opisyal ti Armed Forces of the Philippines iti kabaroanan a pangta ken rinnupak.
Segun ken ni Pres. Ferdinand Marcos Jr., nayatiddog ti PMA curriculum tapno makagiddan iti napaspaspas a teknolohia ken dagiti baro a karit iti seguridad.
Maisuro pay kadagiti kadete iti data science ken Python foundations para iti basic programming.
Karaman pay iti baro a curriculum ti electronic warfare wenno panang-detect ken pananglapped ti signal iti kalabam, kasta payen ti unmanned systems wenno dagiti alikamen a maaramatan iti remote control.
Umuna a mairanud ti curriculum reform ti PMA Class of 2029.
