--Ads--
Binalaw ni Miss Universe 2018 Catriona Gray dagiti umili a bulsek a mangsupsuporta kadagiti nabotosan nga opisial ti gobierno.
Iti social media post ni Catriona, kinunana a dagiti lider ket nabotosan tapno serbian dagiti umili saan ket a tapno agdaydayaw wenno ibilang ida a saan a mabalin a babalawen.
Nadakamatna pay iti mensahena a karbengan ti maysa nga umili ti agsaludsod, mangbabalaw, ken nasken a madusa dagiti lider no dagiti desisionda ket mangapektar iti biag dagiti minilion nga umili.
Mabigbigbig ni Catriona kas maysa kadagiti celebrity a mangipekpeksa ti opinyonna kadagiti napateg a patangan iti kagimungan, agraman dagiti protesta kontra iti korapsion ken political dynasty iti pagilian.
-- ADVERTISEMENT --
