Pinasingkedan ni Akbayan party-list Rep. Perci Cendaña a mismo a Senado iti mangdaddadael iti imaheda kalpasan a binaybay-anda a nakapanaw ni Senador Bato dela Rosa iti baet iti arrest warrant nga inruar ti International Criminal Court (ICC).
Segun ken ni Cendaña, ti Senado mismo iti mangdaddadael iti institusyonda ta imbes nga isukoda a nakappia ti tao nga adda warrant of arrest-na ket inaramatda iti Senado tapno makalisi iti law enforcement.
Impaganetgetna a trabaho iti Senado nga agaramid iti linteg ken saan a labsingen dayta.
Insaludsod pay ti agpampanday linteg no ania a klase ti Senate leadership iti umuna nga agendana ket tulongan a saan a makemmeg ti maysa a wanted iti kaso a crimes against humanity ken maysa nga international fugitive.
Innayonna a kasapulan nga aghpalawag ti liderato iti Senado kadagiti asawa ken annak dagiti naulila iti war on drugs ni dati a Pres. Rodrigo Duterte nga impatungpal ni dela Rosa kas hepe iti Philippine National Police (PNP).
