--Ads--
Sinigurado ti Philippine National Police (PNP) nga awan ti special treatment ken ni Senador Bato dela Rosa no kas bilang maipatungpal ti warrant of arrest ti International Criminal Court (ICC) kontra kenkuana.
Segun ken ni PNP Chief Gen. Jose Melencio Nartatez Jr., awan ti paboranda uray dati a hepe iti PNP ni Dela Rosa.
Impaganetget ni Nartatez nga obligasyon iti PNP a tungpalen ti linteg nga awan ti an-anamunganda ken awan ti atatrasanda kangrunaan iti panagserbi iti warrant of arrest.
Nakasagana iti PNP iti aniaman nga operasyon ken agtultuloy iti panangpaingetda iti koordinasyon iti Department of Justice (DOJ) ken dadduma pay a law enforcement agencies tapno masigurado a naurnos ken husto iti maipatpatungpal a linteg.
-- ADVERTISEMENT --
