Pinasingkedan ni dati a Philippine National Police (PNP) Chief ken agdama a Metropolitan Manila Development Authority (MMDA) Nicolas Torre III a rumbeng a simple laeng iti pannakaipatungpal ti pannakaiserbi ti warrant of arrest manipod iti International Criminal Court (ICC) kontra ken ni Senador Bato dela Rosa.
Kinuna ni Torre a saanen a kasapulan pay nga iraman dayta a banag ni Pres. Ferdinand Marcos Jr.
Segun ken ni Torre, nagkurang iti koordinasyon dagiti ahensya a rumbeng a mangipatungpal iti nasao a warrant of arrest.
Mapapati a nalawag iti linteg kangrunaan iti Republic Act 9851 ken idi November 2025 pay laeng a nairuar ti warrant isu nga addan iti immunan a desisyon maipanggep ti nasao a banag.
Inlawlawagna nga uray saan a miembro ti ICC iti Pilipinas, ti kiddaw ti ICC ket maidaldalan iti Interpol, isu nga adda obligasyon nga agtignay iti pagilian.
