
Inkalintegan ti Philippine National Police (PNP) ti alegasion a nangipuruak dagiti polis iti rugit kadagiti ralihista iti Bonifacio Plaza sadiay Manila bayat ti panagprotestada iti panagbisita ni United States President Donald Trump.
Impaganetget ni PNP spokesperson Brig. Gen. Allen Rae Co a saan a paset ti operasion ken kultura ti puersa ti polisia ti kasta a kababalin.
Inyunay-unay ni Co a saan a matmatan a pagkapuyan ti maximum tolerance ken restraint ti puliiya agsipud ta nakasaganada a mangipatungpal ti linteg kontra iti aniaman a panaglabsing.
Impangta dagiti ralihista nga agmartsada iti Philippine International Convention Center (PICC) inton Nobiembre 17 tapno agprotestada ti isasangpet ni Trump ken ti Association of Southeast Asian Nations (ASEAN) Summit, ngem mabalin a maipasangoda iti legal nga aksion no salungasingenda dagiti permit requirements ken security protocols.










