--Ads--
Impasigurado ti Philippine National Police ti naing-inget a panag-patrol iti rabii kasaruno dagiti mapaspasaran a rotational brownout iti agduduma a paset ti pagilian.
Pinasingkedan ni PNP Chief Jose Melencio Nartatez nga imbilin na dagiti regional ken provincial director a papigsaen ti foot ken mobile patrols partikular kadagiti residential area no oras nga awan ti kuryente.
Posible a ngumato ti insidente ti krimen kas ti “akyat-bahay” ken dadduma pay nga street crimes no nasipnget ti aglawlaw gapu iti brownout.
Impanamnama ti PNP nga agtalinaed a nakalukat ken operational ti Unified 911 hotline iti baet ti power interruptions, iti tulong ti backup power systems.
-- ADVERTISEMENT --
